Xoşbəxtlik dəmirçisi

İbtidai sinif müəllimi Olqa Loqinova ailəsinin rifah içində olduğunu düşünürdü. Əri Andrey və balaca qızı ilə birlikdə onların rahat və problemsiz günləri keçirdi. Lakin həyat yoldaşının düşdüyü yol qəzası hər şeyi alt-üst edir. Xəstəxanada bəlli olur ki, qəza zamanı maşında uşağın dayəsi də olub və o, həkimlərə özünü Andreyin arvadı kimi təqdim edib.

Xəyanətlə barışa bilməyən Olqa boşanmaq qərarı verir. Andrey isə arvadının onun pulları olmadan bir həftə belə tab gətirə bilməyəcəyini və geri qayıdacağını düşünür. Dostlarının məsləhətinə qulaq asan qadın həyatını dəyişmək üçün «Zemstvo müəllimi» layihəsinə qoşulur. O, paytaxtı tərk edərək qızı ilə birgə uzaq Kedrovıy qəsəbəsinə yollanır.

2021-ci il istehsalı olan «Кузница счастья» Rusiya melodram serialıdır. Layihənin rejissor kürsüsündə Valeri Devyatilov əyləşib. Baş rolları Valeriya Lanskaya, Dmitri Pçela, Maksim Şçoqolev və Erik Yaralov ifa ediblər.