Qanuni ana

Cəzaçəkmə müəssisəsindən azadlığa çıxan Svetlana qəyyumluq orqanları tərəfindən uşaq evinə verilmiş oğlu Aleksin axtarışına başlayır. Keçmiş kriminal əlaqələrindən istifadə edən qadın öyrənir ki, uşağı general Terentyevin ailəsi övladlığa götürüb. Svetlana oğluna yaxın olmaq üçün həmin evdə mürəbbiyə kimi işə düzəlir.

Yeni ailəsində Aleksə bəslənən səmimi sevgini görən ana həqiqəti etiraf etməkdən çəkinir. Çox keçmədən generala qarşı hazırlanan sui-qəsddən xəbər tutan qadın onu təhlükə barədə xəbərdar edir. Minnətdarlıq əlaməti olaraq Terentyev Svetlanaya uşaqla açıq söhbət etmək imkanı versə də, o, oğlunun sakit həyatını pozmaq istəmir və başqa şəhərə yollanır.

«Мама в законе» adlı Rusiya istehsalı melodram serialı 2014-cü ildə rejissor Mixail Vasserbaum tərəfindən lentə alınıb. Baş rolları Viktoriya Tarasova, Andrey Çernışov, Aleksandr Drobitko və Andrey Stoyanov canlandırıblar.