Yağış çiçəkləri

Ninanın atası vəfat edəndən on il sonra anası qonşu şəhərdən olan dul bir kişi ilə ailə qurur. Həmin kişi oğlu Andrey ilə birlikdə onların evinə köçür. Beləliklə, Nina ögey qardaş qazanır; yaşıd olan bu iki gənc artıq eyni buraxılış sinfində təhsil almağa başlayırlar.

Anasının itkisi Andreyi dərindən sarsıdıb, buna görə də o, özünə qapanıb, heç kimlə danışmır və daim münaqişələr yaradır. Sinif yoldaşları isə onun bu halından istifadə edərək oğlanı ələ salırlar. Yalnız Nina ona rəğbət bəsləyir, çünki vaxtilə atasını itirdiyi üçün Andreyin çəkdiyi kədəri dərindən dərk edir.

2017-ci ildə Ukraynada istehsal olunmuş «Yağış çiçəkləri» («Цветы дождя») adlı melodram serialının rejissoru Roman Brovkodur. Ekran işində əsas rolları Mila Sivatskaya, Makar Tixomirov, Oksana Jdanova və Vladislav Nikityuk canlandırıblar.