Ana oğul üçün

İrina bütün ömrünü oğlu Kirillə həsr edir və hətta onun naminə sevdiyi kişi ilə evlənməyi təxirə salır. Kirill isə zəngin dostları ilə birlikdə vaxtını əyləncələrlə keçirir. Bir gün sərxoş vəziyyətdə sürülən maşın keçiddə Alyona adlı qızı vurur. Sükan arxasında hakimin oğlu Andrey olsa da, cəzadan yayınmaq üçün dostlar qəzada Kirilli günahlandırırlar.

Kirillin vəziyyəti çıxılmaz həddə çatır, çünki heç bir vəkil onun işini öhdəsinə götürmək istəmir. Həm şahidlər, həm də zərərçəkən Alyona bir səslə məhz onun təqsirkar olduğunu bildirirlər. Belə olan halda İrina oğlunu özü müdafiə etmək qərarına gəlir.

Rusiyanın «Мать за сына» melodram serialı 2017-ci ildə rejissor Pyotr Styopin tərəfindən lentə alınıb. Layihədə əsas rolları Darya Poverennova, Dmitri Yeqorov, Aleksey Fateyev və Svyatoslav Astramoviç canlandırıblar.