Daşa

Əyalət uşaq evində böyüyən on yeddi yaşlı Daşa həyatda hər zaman təkbaşına qərarlar verməyə öyrəşib. Lakin qəflətən onun həyatına varlı fırıldaqçı Boqdanov daxil olur. O, qanunsuz yolla əldə etdiyi mülkünü müsadirədən qorumaq məqsədilə Daşanı guya illər sonra tapdığı nikahdankənar qızı kimi qələmə verir. Fırıldaqçı ətrafdakılara qızını xaricdə oxutmaq istədiyini desə də, əsl niyyəti var-dövləti onun adına keçirib gənc qızdan qurtulmaqdır.

Lakin yetimxana mühitində formalaşan Daşanın güclü və azadlıqsevər xarakteri bu hiyləgər planı pozur. Başqasının cinayətkar istəklərinə boyun əymək istəməyən qız kölə vəziyyətinə düşməyə razılaşmır. Beləliklə, formal olaraq varlı varisə çevrilən Daşa öz həyatı və layiq olduğu xoşbəxtlik uğrunda mübarizəyə başlayır.

«Daşa» melodram janrında çəkilmiş Rusiya serialıdır və 2013-cü ildə rejissor Anton Azarov tərəfindən lentə alınıb. Baş rolları Darya Yeqorova, Aleksandr Tyutin, Andrey Barilo və Artyom Fadeyev canlandırıblar.