Svetlana

Svetlana paytaxtda uğurlu karyera qurmuş və zahirən xoşbəxt ailə həyatı sürən qadındır. Lakin onun keçmişində gizlətdiyi ağır bir sirr var: gənc ikən həkimlərin ümidsiz olduğunu dediyi qüsurlu yeni doğulmuş oğlundan imtina etmişdir. İllərdir davam edən vicdan əzabı ərinin xəyanətindən xəbər tutduqdan sonra daha da kəskinləşir.

Evliliyi dağılan qadın uşağının taleyini araşdırmaq üçün doğulduğu sahilboyu şəhərə qayıtmaq qərarına gəlir. Orada uşaq xəstəxanasının baş həkimi Yuri ilə tanış olan Svetlana tibb müəssisəsində könüllü kimi çalışmağa başlayır. Kimsəsiz uşaqlara qayğı göstərən qadın xüsusilə dayanacaqda anası tərəfindən tərk edilmiş balaca qıza dərindən bağlanır.

«Svetlana» adlı Rusiya istehsalı melodram serialı 2022-ci ildə nümayiş olunub. Ekran işinin quruluşçu rejissoru Yeqor Barinovdur. Baş rolları Olqa Mixaylova, Dmitri Ulyanov, Maksim Xanjov və Yuliya Qrebenik canlandırıblar.