Zoluşka üçün ev

İrina Novikova yaşlılar üçün nəzərdə tutulmuş pansionata rəhbərlik edir, lakin qəfildən ciddi çətinliklərlə üzləşir. Toy ərəfəsində nişanlısı onu külli miqdarda borcla qoyub gedir, Antonov qardaşları isə gəlirsiz layihə kimi pansionatın fəaliyyətini dayandırırlar. İtirdiklərini geri qaytarmaq istəyən qadın Antonovlar ailəsinin şıltaq və xəstə atasına baxıcı düzəlir. Qoca gözlənilmədən İrinaya evlənmək təklif edir, lakin nikahın səhəri günü dünyasını dəyişir və qadın qətldə günahlandırılır.

Mərhumun böyük oğlu Maksimin köməyi ilə təcridxanadan çıxan İrina onunla birlikdə hadisəni araşdırmağa başlayır. Qaranlıq ailə sirlərini üzə çıxaran cütlük arasında hisslər yaranır, lakin tezliklə bütün bu hadisələrin əvvəlcədən düşünülmüş gizli bir planın hissəsi olduğu üzə çıxır. Onlar bu hiylənin arxasında kimin dayandığını aydınlaşdırmalı olurlar.

«Zoluşka üçün ev» («Дом для Золушки») 2026-cı ildə Rusiyada çəkilmiş melodram serialıdır. Layihənin rejissoru İlya Semyonovdur, əsas rolları isə Yekaterina Samoylo, İlya Deniskin, Dmitri Yaçevski və Dmitri Smirnov canlandırıblar.