Hamı üçün bir nəfər

Məhkəmə zalında həyat yoldaşından ayrılan qırx yaşlı istefada olan podpolkovnik Yevgeni Aleksandrov bütün əmlakını keçmiş arvadına bağışlamaq qərarına gəlir. Ailəsiz, işsiz və Moskvaətrafındakı mənzilsiz qalan sabiq zabit vəfat etmiş anasından yadigar qalmış köhnə mənzilə sığınmaq üçün doğma şəhərinə üz tutur. Lakin uşaqlığının keçdiyi kənar məhəllə onu baxımsızlıq və xarabazarlıqla qarşılayır.

İllər sonra rastlaşdığı uşaqlıq rəfiqəsi Lidiyadan öyrənir ki, bu köhnə binada artıq heç bir kişi qalmayıb, yalnız tənha analar, yaşlı qadınlar və onların qızları ömür sürür. Qonşularının hər bir çətinliyini və dərdini görən Yevgeni onlara arxa durmağa, haqsızlıqlara qarşı çıxaraq köməksiz qalan bu qadınların hüquqlarını qorumağa başlayır.

«Hamı üçün bir nəfər» serialı 2012-ci ildə Rusiya istehsalı olaraq ekranlara çıxıb. Rejissor Aleksey Prazdnikovun çəkdiyi melodram janrlı layihədə baş rolları Aleksandr Dyaçenko, Karina Razumovskaya, Lora Korobskix və Olqa Suxorukova canlandırıb.