Dördyol

Şəhərin mərkəzində baş verən kiçik yol qəzası bir-birini tanımayan üç qadının yollarını birləşdirir: pitsa kuryeri Sveta, incəsənət kollecinin müəllimi Olqa və varlı sahibkarın həyat yoldaşı Yelena. Hadisə zamanı heç kim xəsarət almasa da, yaranan ləngimə hər birinin planlarını darmadağın edir.

Uçuşa gecikdiyi üçün evə qayıdan Yelena ərini katibəsi ilə tutur. Olqa ezamiyyətə yola düşən həyat yoldaşı ilə vaxtında sağollaşa bilmir və vağzala çatanda onun yoxa çıxdığını öyrənir. Svetanı isə işdən çıxarırlar və zədələnmiş maşına görə maaşını kəsərək kirayə pulsuz qoyurlar. Çətin vəziyyətdən çıxış yolu axtaran Yelena həmin iki qadına saathesabı ödənişlə muzdlu rəfiqə olmaq təklifini irəli sürür.

«Dördyol» adlı Rusiya istehsalı melodram serialı rejissor Andrey Selivanov tərəfindən lentə alınıb. Layihə 2017-ci ildə ekranlara çıxıb, əsas rolları isə Darya Luzina, Yanina Sokolovskaya, Darya Petrova və Konstantin Strelnikov canlandırıb.