İlk məhəbbət

Yae və Harumiçinin hissləri hələ yuxarı siniflərdə oxuduqları dövrdə yaranır. Lakin məktəbi bitirdikdən sonra onların yolları ayrılır: qız universitetə daxil olur, gənc oğlan isə hərbi xidmətə yollanır. Bir müddət sonra Yaenin həyatında xoşagəlməz bir hadisə baş verir və bu, onları bir-birindən daha da uzaqlaşdırır.

Aradan iyirmi il keçdikdən sonra tale keçmiş sevgililəri yenidən qarşılaşdırır. Uzun illər sonra üz-üzə gələn qəhrəmanlar anlayırlar ki, aralarındakı keçmiş hisslər zaman keçməsinə baxmayaraq hələ də yaşayır.

2022-ci ildə ekranlara çıxan «Hatsukoi» adlı Yaponiya istehsalı melodram serialının rejissoru Yuri Kançikudur. Əsas rolları Hikari Mitsuşima, Takeru Sato, Rikako Yaqi və Taisei Kido canlandırıblar.