Bu cür şirin məhəbbət

Səhhətində nadir vəziyyət olan Tszyan Tszyun öz göz yaşlarına qarşı təhlükəli allergiyadan əziyyət çəkir. Ağıllı və əzmkar olan bu gənc qız nüfuzlu investisiya şirkətində işə düzəlmək qərarına gəlir. Lakin seçim mərhələsinin sonunda o, rəhbər kreslosunda keçmiş məktəb yoldaşı Yuan Şuanı görür. Uşaqlıqda yaşadığı ən utancverici anlarda onu günahlandıran Tszyun bu görüşə heç də sevinmir.

Yuan Şua isə biznes mühitinin amansız olduğunu bildirərək keçmiş sinif yoldaşının müraciətini rədd edir. İlk uğursuzluğa baxmayaraq, iradəli qız inadından dönmək və qapıdan geri qayıtmaq fikrində deyil. Şirkət rəhbəri isə Tszyunun xəstəliyindən xəbərdardır və onun maliyyə dünyasının sərt qaydaları qarşısında kövrəlməsindən ehtiyat edir.

«Bu cür şirin məhəbbət» (Ban shi mi tang ban shi shang) adlı Çin melodram serialı 2020-ci ildə ekranlara çıxıb. Layihənin quruluşçu rejissoru Yuy Tszuntszundur. Baş rolları Lo Yunsi, Bay Lu, Ariel Ann (Syao Yan) və Qao Hanyuy paylaşıblar.