Ögey bacı

Həyat yoldaşı tərəfindən tərk edilən Dunya heç bir dəstəyi olmadan tək qalır. Anasını vaxtilə itirən qız tanınmış təyyarə konstruktoru olan atası Mixail Stolyarovu da demək olar ki, tanımayıb. Paytaxtda rəsmi ailəsi ilə yaşayan kişinin bu nikahdan Katya və Varya adlı iki qızı böyüyüb və onlar kənar bacılarının varlığından xəbərsiz olublar.

Çıxış yolu axtaran Dunya atasına üz tutmaq qərarına gəlsə də, onun qırx gün əvvəl vəfat etdiyini öyrənir. Qız Moskvaya yollanır. Lakin atasının qanuni ailəsi yeni qonağı çox soyuq qarşılayır və onun paytaxta gəlişinin arxasında gizli niyyətlərin dayandığına inanır.

«Ögey bacı» («Çujaya sestra») adlı Rusiya melodram serialı 2020-ci ildə rejissor Andrey Selivanov tərəfindən çəkilib. Layihədə baş rolları Yana Quryanova, Dmitri Şerbina, Marina Konyashkina və Pelageya Nevzorova canlandırıb.