Sahillər

Kənddə yaşayan son sinif şagirdi Tanya valideynlərini itirdikdən sonra nənəsinin sərt qaydaları altında böyüyür və müstəqil həyat həsrəti ilə yaşayır. Lakin sinif yoldaşı Sergeyə bəslədiyi ilk məhəbbət onun planlarını alt-üst edir. Qız hamilə qalanda aydın olur ki, doğulacaq körpə nə uşağın atasını, nə də onun ailəsini maraqlandırır.

Sergeyin anası Tanyanı xəstəxanaya gətirərək abort etdirməyə məcbur etsə də, o, körpəni dünyaya gətirmək qərarına gəlir. Qadından qaçmağa çalışarkən pilləkəndən yıxılan gənc qız təkcə bətnindəki övladını itirmir, həm də həkimlərdən bir daha heç vaxt ana ola bilməyəcəyini öyrənir. Ağır itkiyə baxmayaraq, o, hər şeyə yenidən başlamağa çalışır.

Rejissor Kira Angelinanın çəkdiyi «Sahillər» melodram serialı 2013-cü ildə Rusiyada istehsal olunub. Ekran əsərində baş rolları Anastasiya Pronina, Kirill Zaporojtski, İrina Rozanova və Lyudmila Polyakova canlandırıblar.