Günəşi qucaqlayan Ay

Gənc Yeon-woo ilə Çoson taxtının vəliəhdi Li Hvon hələ erkən yaşlarında nişanlanmışdılar. Lakin bu izdivac saraydakı bəzi qüvvələrin maraqlarına uyğun gəlmədi və qıza qarşı sui-qəsd təşkil olundu. Möcüzə nəticəsində sağ qalan balaca qız bir şaman qadının evinə sığındı və yaddaşını itirərək Vol adı ilə onun şagirdinə çevrildi.

Nişanlısının ölüm xəbəri ilə sarsılan Li Hvon illər keçdikcə sərt və qəlbi daşlaşmış bir hökmdar oldu. Bir gün o, yetkin bir şaman olan Vol ilə qarşılaşır və onun simasında keçmiş sevgisini yenidən xatırlayır. Lakin keçmişdəki qətlin arxasında öz ailə üzvlərinin dayandığı üzə çıxanda iki gəncin taleyi yenidən təhlükə altına düşür.

2012-ci ildə yayımlanan «Haereul pumeun Dal» tarixi melodram janrında Cənubi Koreya serialıdır. Ekran əsərinin rejissorları Li Son-cun və Kim Do-hundur, baş rolları isə Kim Su-hyon, Han Qa-in və Con İl-u canlandırıblar.