Hər şeyə rəğmən

Moskvalı iş adamı Boris Tixonov xərçəng xəstəliyindən əziyyət çəkən həyat yoldaşını itirmək üzrədir. Qadın ölüm ayağında illərdir gizlətdiyi sirri açır. Məlum olur ki, on səkkiz il əvvəl ərinin xaricdə olduğu dövrdə başqa birindən hamilə qaldığını düşünərək uşaq dünyaya gətirib. Cəmiyyətin qınağından qorxaraq qızını doğum evində qoyub, lakin sonradan uzaqdan onun taleyini izləməyə davam edib.

Yetim olduğunu düşünən Nataşa əyalətdəki uşaq evində böyüyür. Məktəbi bitirdikdən sonra o, paytaxtdakı teatr məktəbinə daxil olmaq üçün Moskvaya yollanır. Eyni vaxtda eşitdiklərindən sarsılan Tixonov qızın axtarışlarına başlayır.

2014-cü ildə yayımlanan «Вопреки всему» adlı Rusiya melodram serialının rejissoru Vadim Arapovdur. Layihədə əsas rolları Mariya Bayeva, İqor Denisov, İvan Nikolayev və Valentina Losovskaya canlandırıb.