Lyuba. Sevgi

Lyuba həkim valideynlərinin yolunu davam etdirmək üçün tibb institutuna qəbul olunur. Sənədlərini verdiyi gün o, gələcək tələbə yoldaşı Nikolay ilə tanış olur və ona ilk baxışdan vurulur. Elə həmin gün çox sevdiyi atası evi tərk edir və bu hadisə qız üçün ağır zərbəyə çevrilir.

Ailədəki böhrandan sonra Lyubanı şəxsi həyatında da sınaqlar gözləyir. Yeni il gecəsi Nikolayı qrup yoldaşı Maşa ilə öpüşərkən görən gənc qız onu çətinliklə bağışlayır. Lakin bir müddət sonra, hamilə olduğu ərəfədə Lyuba öyrənir ki, Nikolayın artıq bir övladı var. Çıxılmaz vəziyyətdə qalan gənc oğlan təhsilini yarımçıq qoyub orduya yollanır, qohumları ilə arası dəyən Lyuba isə tək qalır.

2011-ci ildə nümayiş olunan Rusiya istehsalı «Lyuba. Sevgi» («Люба. Любовь») melodram serialının rejissoru Yuri Kuzmenkodur. Baş rolları Olqa Arntqolts, Stanislav Bondarenko, Olqa Dibtseva və Polina Lazareva canlandırıblar.