Bizi tap, ana!

Keçmişdə idmanda aldığı zədə Alyonanın ana olmaq arzusunun üstündən xətt çəkmişdi. Hamiləliyin pozulması nəticəsində o, həm karyerasını, həm də sevdiyi insan Viktoru itirdi. İllər sonra iş adamı İqorla ailə quran qadın xoşbəxt görünsə də, övlad həsrəti onu rahat buraxmır.

Çıxış yolu axtaran Alyona bir təbibəyə müraciət edir və qadın ona açıq dənizdə xüsusi yuyunma ayini keçirməyi məsləhət görür. İqor bu qəribə fikri bəyənməsə də, xanımına kömək etmək üçün onunla birlikdə katerlə dənizə çıxır. Alyona deyilənləri yerinə yetirdikdən dərhal sonra onlar qayıqdakı kayutda gözlənilmədən iki balaca qız uşağı tapırlar.

«Bizi tap, ana!» adlı Rusiya istehsalı melodram serialı 2020-ci ildə ekranlara çıxıb. Layihənin rejissoru İqor Keçayevdir. Əsas rolları Yevgeniya Loza, Roman Polyanski, Anton Feoktistov və Vasilisa Savkina canlandırıblar.