Şirinsiz təklif

Valideynlərini avtomobil qəzasında itirən Anya xalasının yanına köçməli olur. Həmin qəzadan yüngül xəsarətlərlə sağ çıxan Sergey adlı gənc qıza bu kədərli günlərdə dəstək göstərir. Zaman keçdikcə onların arasında qarşılıqlı hisslər yaranır və münasibət başlayır.

Lakin gəncin sevgisi getdikcə güclü qısqanclığa çevrilir və Sergey bir gün qıza əl qaldırır. Belə rəftara dözməyən Anya ondan ayrılmağa qərar versə də, keçmiş sevgilisi təqiblərdən əl çəkmir. Ailəsini dolandırmaq üçün yeni iş axtaran qız bir şokolad şirkətinin siması olur və onun rəhbəri Qleb Martınovun da diqqətini cəlb edir.

Ukrayna istehsalı olan «Şirinsiz təklif» («Несладкое предложение») melodram serialı 2019-cu ildə işıq üzü görüb. Ekran əsərinin quruluşçu rejissoru və eyni zamanda rollardan birinin ifaçısı Aleksandr Moxovdur. Əsas obrazları Anastasiya Krılova, Kirill Zaporojsski və Raisa Ryazanova canlandırıb.