Bir tam

Svetlananın həyatında hər şey qaydasında görünürdü: sevimli həyat yoldaşı Anton və qayğı ilə böyütdüyü oğlu Denis onun ən böyük sevinci idi. Lakin Anton uşağın ondan olmadığını öyrənəndə ailənin dincliyi pozulur. Həyat yoldaşına hər zaman sadiq qalan Svetlana hadisənin kökünü araşdırmağa başlayır və ağır həqiqətlə qarşılaşır. Məlum olur ki, onun əsl körpəsi doğum evində vəfat edib, tibb bacısı isə ailənin kədərini yüngülləşdirmək üçün anası tərəfindən imtina edilmiş başqa bir uşağı onlara verib.

Bu acı xəbər Svetlananın Denisə olan sevgisini qətiyyən azaltmır. Lakin Anton tamamilə soyuyur və ailəsinə qarşı kobud davranmağa başlayır. Belə münasibətə dözməyən ana oğlunu götürərək başqa bir şəhərə köçür. Orada qonşuluqda mənzil kirayələyən Kirill adlı gənclə tanış olur və aralarında xoş münasibət yaranır. Lakin Svetlana bilmir ki, bu sirli qonşunun keçmişi onun və oğlunun taleyi ilə sıx bağlıdır.

2024-cü il istehsalı olan «Bir tam» melodram serialının quruluşçu rejissorları Eduard Palmov və Dmitri Sorokindir. Ekran işində əsas rolları Kseniya Romenkova, Artyom Kosıgin, Andrey Nikulski və Yuri Korenev canlandırır.