Sevgi inyeksiyası

Gənc cərrah Anna Piroqovanın bal ayı gözlənilməz sarsıntı ilə nəticələnir. Həyat yoldaşı Kirillin xəstəxananın pasiyentlərindən biri ilə gizli münasibəti olduğu və həmin qadının ondan uşaq gözlədiyi üzə çıxır. Ən yaxın rəfiqəsi və iş yoldaşının bu sirri bildiyi halda gizlətməsi, anasının isə ərini müdafiə etməsi Annanı çətin vəziyyətdə qoyur. O, çıxış yolunu on ildən artıqdır görmədiyi atasının yanına getməkdə görür.

Kiçik şəhərə köçmək problemləri həll etmir, əksinə yeni çətinliklər yaradır. Anna ilə atası arasında anlaşılmazlıq və mübahisələr davam edir. Həkimlik fəaliyyətini davam etdirən baş qəhrəman xəstələrin mürəkkəb taleləri ilə yaxından tanış olur və onların qayğılarına şərik çıxaraq tədricən daxili rahatlığını bərpa edir.

«Sevgi inyeksiyası» («Инъекция любви») adlı melodram serialı 2024-cü ildə Rusiyada çəkilib. Layihənin rejissoru Valentin Donskovdur. Baş rolları İvan Jidkov, Aleksandr Andrienko, Yuliya Jiqalina və Yevgeniya Sinitskaya canlandırıb.