Sevgi resepti

Kənd tibb bacısı Kseniya Mixaylova toy ərəfəsində nişanlısı Valeri Berestnevin xəyanətindən xəbər tutur. Məlum olur ki, ən yaxın rəfiqəsi İnqa ondan hamilədir. Xəstə anasını sağaltmaq üçün şəhərə gedib kardiocərrahlıq oxumaq istəyən Kseniyanın planları pozulur. Kəndin sahə həkiminin qəfil vəfatı səbəbindən rayon xəstəxanasının rəhbərliyi tibb məntəqəsinin fəaliyyətini qorumaq üçün qızdan daha bir il kənddə qalmağı xahiş edir.

Kənd sakinləri Kseniyanı sevir və ona dərindən etibar edirlər. Yalnız hamilə İnqa və yerli təbib Karpuşka tibb məntəqəsindən uzaq dururlar. Eyni vaxtda Valerinin kiçik qardaşı Konstantin qıza diqqət göstərməyə başlayır. Uşaqlıqdan Kseniyanı sevən Kostya onun qəlbinə yol tapmağa çalışır və çətin anlarda köməyə çatır. Tezliklə kənddə virus epidemiyasının başlanması gənc qadının qarşısına yeni çətinliklər çıxarır.

«Sevgi resepti» (Рецепт на любовь) 2023-cü ildə ekranlara çıxmış Rusiya istehsalı melodram serialıdır. Layihənin rejissoru Aleksey Karelindir. Baş rolları Darya Zateyeva, Yeqor Sazıkin, Darya Yurqens və Oleq Almazov canlandırıblar.