Həyatın incə xətti

Kardioloq Vera Lazareva azyaşlı oğlunu və qoca anasını təkbaşına dolandırır, ağır məişət qayğıları ilə mübarizə aparır. Yorğunluq ucbatından o, ürək ağrısı ilə müraciət edən Vasili Andreyeviç adlı xəstəyə səhv dərman yazır və nəticədə kişi komaya düşür. Ailəsini dolandırmaq məcburiyyətində qalan Vera peşə səhvini etiraf edə bilmir, lakin pasiyentin müalicəsini tamamilə öz üzərinə götürərək onun üçün palata təşkil edir və baha qiymətli preparatlar alır.

Xəstəni ziyarət etmək üçün şəhərə onun oğlu Maksim gəlir və Vera ilk baxışdan ona aşiq olur. Çox keçmədən qadın gözlənilməz həqiqəti öyrənir: komadakı pasiyent illər əvvəl ailəsini atmış doğma atası, sevdiyi Maksim isə onun qardaşıdır. Bu vaxt Maksimin həyat yoldaşı Veranı mirasdan məhrum etmək üçün onun tibbi xətasını üzə çıxarmağa çalışır.

Rusiyanın «Həyatın incə xətti» adlı melodram serialı 2022-ci ildə ekranlara çıxıb. Layihənin rejissoru Filipp Korşunovdur. Çoxseriyalı ekran əsərində baş rolları Yelena Radeviç, Andrey Qorbaçov, Stepan Beketov və Mariya Stolyarova canlandırıb.