Sevgi hüququ

Dəb jurnalının baş redaktoru olan Lena işində böyük uğurlar qazansa da, şəxsi həyatında xoşbəxtlik tapa bilmir. On il əvvəl sevdiyi rəssam Arseni onu bir yarışçı qadına görə tərk edib. Həmin vaxtdan bəri Lena tələbkar rəhbərə çevrilib, keçmiş sevgilisi ilə sadəcə dostluq edir və onun başqa qadınlarla münasibətlərinə baxmayaraq, bir gün geri dönəcəyinə ümid bəsləyir.

Keçmiş rəqibi Nikanın qəfil ölümü bütün vəziyyəti alt-üst edir. Məlum olur ki, həyatını itirən qadının kiçik bir qızı qalıb və uşağın atası bu barədə heç bir xəbəri olmayan Arsenidir. Qızcığazın rəssamın indiki həyatında yer tapmayacağını və tənha qalacağını anlayan Lena uşağa rəhm edir və sevdiyi kişinin qızını övladlığa götürmək qərarına gəlir.

Rusiyada istehsal olunmuş «Pravo na lyubov» melodram serialı 2013-cü ildə işıq üzü görüb. Ekran əsərinin rejissoru İqor Mujjuxindir. Əsas rolları Tatyana Çerkasova, Aleksandr Volkov, Aleksey Komaşko və Anjelika Volskaya canlandırıblar.