İki ürək

Konkur üzrə çempion Yulyanın idman karyerası atdan yıxılaraq ağır zədə alması ilə başa çatır. Həkimlərin bədbin rəyinə görə, onun yenidən yeriməsi çətindir və qadın təkərli kürsüdən istifadə etməyə məcbur olur. İllərlə məşqlərə görə ailəsindən uzaq düşən qəhrəman nəhayət bütün vaxtını doğmalarına ayırmaq qərarına gəlir.

Lakin evdə vəziyyət düşündüyündən də kədərlidir: on beş yaşlı qızı Alisa anasından tamamilə soyuyub, əri isə ən yaxın rəfiqəsi ilə ona xəyanət edir. Yulya ərini qovaraq qızı ilə münasibətləri düzəltməyə və digər çaparları yaxına buraxmadığı üçün iynə ilə yatırılmaq təhlükəsi yaşayan vəfalı atı Rembrandtı xilas etməyə çalışır. Məhz sevimli atı sayəsində həyatına yeni sevgi gəlsə də, həmin rəfiqə yenidən onların arasına girməyə cəhd göstərir.

«İki ürək» melodram serialı 2020-ci ildə Ukraynada istehsal olunub. Rejissor Aleksandr İtıgilovun çəkdiyi layihədə əsas rolları İrina Tarannik, Mixail Qavrilov-Tretyakov, Yekaterina Vişnevaya və Artyom Qriqoryev canlandırıblar.