Taleyin püşkü

Hərbi psixoloq Pavel restoranda tanış olduğu müğənni Kseniya ilə ailə qurur. Çox keçmədən o, xidməti vəzifəsini yerinə yetirmək üçün Əfqanıstana yola düşür. Həmin vaxt Suriyadan onun zərərli vərdişləri olan qardaşı Pyotr qayıdır. Pavelin ezamiyyəti uzun çəkir və o, evə dönəndə həyat yoldaşının əşyalarını yığıb getdiyini öyrənir.

Aradan iyirmi il keçir. Doza həddini aşdığı üçün ölüm ayağında olan Pyotr qardaşına keçmişin sirrini açır. Məlum olur ki, Kseniya ailəsini öz istəyi ilə tərk etməyib; qardaşı hamiləliyin son aylarında olan qadını evdən qovub. Bu etiraf Pavelin bütün həyatını büsbütün dəyişir.

Ukrayna istehsalı olan «Жребий судьбы» serialı 2015-ci ildə ekranlara çıxıb. Melodramın rejissoru Aleksandr Budyonnıdır. Baş rolları İlya Şakunov, Tatyana Karqayeva, Boris Barski və Yuri Dyak canlandırıblar.