Məxmər mövsümü

Maşa Zaretskaya Moskva Dövlət Universitetinin coğrafiya fakültəsini yeni bitirib. Valideynləri onun üçün firavan gələcək qurmaq istəyir: paytaxtın mərkəzində mənzil, dəb jurnalında iş və ailə dostlarının oğlu Kostya ilə nikah. Qızın uşaqlıq arzusu isə Dünya okeanını öyrənmək və Kamçatkaya elmi səfərə yollanmaqdır. Ətrafındakılar onun bu istəyini ciddiyə almır və atası tərəfindən dilə tutulan Maşa nəhayət evliliyə razılıq verir.

Toydan bir il sonra, ildönümü ərəfəsində Kostyanın düşdüyü problem Maşanın nüfuzlu məmur olan atasını çətin vəziyyətdə qoyur. Ailə başçısı korrupsiyada ittiham edilir və Zaretskilər əvvəlki dəbdəbəli həyatını, bağ evini və sürücüsünü itirir. Qıza kömək əlini ailənin köhnə tanışı Eduard uzadır. Lakin Maşa bilmir ki, ona əsl yardım göstərən şəxs əslində bütün bəlaların səbəbkarı saydığı insandır.

Rusiyanın «Məxmər mövsümü» adlı melodram serialı 2019-cu ildə rejissor Leonid Plyaskin tərəfindən ekranlaşdırılıb. Əsas rolları Orit Bleyzer, Stanislav Bondarenko, Sergey Astaxov və Janna Epple canlandırıblar.