Ögey qız

Liliya təhsilini fərqlənmə diplomu ilə başa vurub şəxsi atelyesini açmaq niyyətindədir, bacısı Roza isə model məktəbində uğursuzluğa düçar olub. Hər iki qız doğma şəhərə qayıdır, lakin onları böyük kədər qarşılayır. Ataları qəfil infarktdan dünyasını dəyişir və geridə böyük borclarla birlikdə kiçik bir gül mağazası qoyur. Bütün bu maliyyə problemlərini təkbaşına həll etmək isə Liliyanın üzərinə düşür.

Şəhər merinin müavini Markova çoxdandır göz dikdiyi bu mağazanı ələ keçirmək üçün ailəyə sərfəli görünən təklif irəli sürür. Roza və anası bu razılaşma ilə borclardan xilas olmaq istəsələr də, Liliya atasının xatirəsinə xəyanət etməmək üçün satışı rədd edir. Qızın inadkar qərarından sonra ailənin üzərinə həbs təhlükəsindən tutmuş cinayətkarların hücumlarına qədər ard-arda bəlalar yağır.

2024-cü ildə yayımlanan «Ögey qız» melodram serialının quruluşçu rejissoru Aleksandr Sukaçevdir. Ekran əsərində əsas obrazları Marina Mitrofanova, Vladimir Kurtseba, Alina Voskresenskaya və İlya Deniskin canlandırıblar.