Katino sçastye

Tibb institutunu qırmızı diplomla bitirən gənc anestezioloq Katya nüfuzlu bir klinikada işə başlayır. Onun həm karyerası uğurla irəliləyir, həm də şəxsi həyatında hər şey qaydasındadır: sevdiyi insanla qarşılıqlı münasibət qurub. Lakin xəstəxanada baş verən gözlənilməz hadisə onun bütün planlarını alt-üst edir.

Cərrahiyyə masasında yüksək vəzifəli bir pasiyent dünyasını dəyişir. Əməliyyat zamanı anesteziyaya Katya cavabdeh olduğu üçün bütün ittihamlar onun üzərinə yönəlir. Məhkəmə prosesi və ağır sınaqlardan sonra sübutların çatışmazlığı səbəbindən ona bəraət verilir. Lakin qız paytaxtı, doğmalarını və sevgilisini tərk edərək uzaqlarda yeni həyat axtarmağa məcbur qalır.

«Katino sçastye» melodram serialının rejissoru Vyaçeslav Nikiforovdur. Rusiya istehsalı olan bu ekran işi 2010-cu ildə işıq üzü görüb. Əsas rolları Tatyana Kazyuçits, Dmitri Orlov, Aleksandr Qirenok və Qalina Staxanova canlandırıb.