Proşe parenoy repı

Nadya Limonova uşaqlıqdan atasının peşəsini davam etdirmək, tanınmış aşpaz olmaq və sağlam qidalar təqdim edən restoranlar şəbəkəsini idarə etmək arzusunda idi. Lakin planları baş tutmur və o, Belaya Qlina adlı kiçik şəhərə köçməli olur. Burada gənc qız tramvay deposuna məxsus yeməkxanaya rəhbər təyin edilir.

Nadya bu təyinatın arxasındakı gizli planlardan xəbərsizdir: deponun rəhbəri Aleksey şəhər merinin məsləhəti ilə təcrübəsiz qızı işə götürüb ki, müəssisə iflasa uğrasın və bağlansın. Beləliklə, bina icarəyə veriləcək, qazanılan vəsait isə şəhər sakinlərinin sevdiyi tramvayları qorumağa yönələcəkdi. Lakin işçilərin soyuq münasibətinə baxmayaraq, Nadya fəaliyyətə başlayır, kollektivlə dil tapır və məkanı şəhərin sevimli yeməkxanasına çevirir. Bu fonda Alekseylə aralarında qarşılıqlı hisslər yaransa da, onu çağırmaqda əsl məqsəd sirr olaraq qalır.

2016-cı ildə yayımlanan «Proşe parenoy repı» melodram serialının quruluşçu rejissoru İvan Krivoruçkodur. Rusiya istehsalı olan layihədə baş rolları Darya Parmenenkova, Mixail Pşeniçnı, Aleksandr Kaşperov və Andrey Karako canlandırıblar.