Ögey ananın nağılları

Yelenanın sakit və dinc ailə həyatı həyat yoldaşı Sergey ağır yol qəzasına düşəndən sonra darmadağın olur. Sergey möcüzə nəticəsində sağ qalsa da, avtomobil qəzası onun gizli saxladığı sirlərin üstünü açır. Bəlli olur ki, faciə anında maşında onunla birlikdə başqa bir qadın da olub və həmin şəxs hadisə yerində həyatını itirib.

Həqiqətlə üz-üzə qalan Yelena ərinin ona xəyanət etdiyini və həmin qadınla gizli münasibət yaşadığını öyrənir. Vəziyyəti daha da mürəkkəbləşdirən məqam isə ölən məşuqənin arxada Sergeydən olan azyaşlı oğlunu tək qoymasıdır.

2015-ci ildə çəkilmiş «Ögey ananın nağılları» («Сказки мачехи») Rusiya istehsalı olan melodram serialıdır. Layihənin rejissoru Yuri Pavlovdur, əsas rolları isə Yuliya Pojidayeva, Evklid Kürdzidis, Anton Pampuşnı və Yevgeni Çubar canlandırıb.