Tərbiyəçi

Maya Rakitina uşaq bağçasında sevdiyi işlə məşğuldur və sevgilisi İqorla birlikdə xoşbəxt gələcək qurmağa hazırlaşır. İpoteka ilə ev alan cütlük Mayanın hamiləlik xəbərindən sonra toy etməyi qərara alır. Lakin İqorun qəzaya düşməsi hər şeyi alt-üst edir. Məlum olur ki, o, aylardır kredit borcunu ödəməyib və bank mənzili əllərindən alır. Ağır itkilər və gərginlik səbəbindən Maya körpəsini də itirir.

Peykərdə gəzərkən qarşısına çıxan balaca Tasya onun həyatında dönüş nöqtəsi olur. Anasının vəfatından sonra hamıdan uzaqlaşan və heç kimlə danışmayan bu qızcığazla Maya asanlıqla dil tapır. Qızının dəyişdiyini görən nüfuzlu iş adamı Pyotr Sokolov Mayaya qızının şəxsi tərbiyəçisi olmağı təklif edir.

«Tərbiyəçi» («Воспитательница») melodram serialının rejissoru Sergey Vinoqradovdur. 2020-ci il Rusiya istehsalı olan layihədə baş rolları Alyona Kolomina, Pavel Trubiner, Vitaliya Korniyenko və Andrey Piskaryov canlandırıb.