Qan qisası

Uğurlu gənc sahibkar İlya Avropadakı firavan həyatını və qurduğu işi geridə qoyaraq doğulduğu sənaye şəhərinə qayıdır. İyirmi yeddi il əvvəl doğum evində atılan İlya yeniyetmə ikən onu böyüdən ögey valideynlərinin gözləri önündə qətlə yetirilməsinə şahid olub. İllərdir intiqam hissi ilə yaşayan qəhrəman saxta sənədlər, böyük məbləğdə pul və hüquqşünas dostu ilə birlikdə keçmişin hesabını çəkməyə gəlir.

İlya zavoddakı böhrandan istifadə edərək investor qismində müəssisənin rəhbərliyinə daxil olur. Zavoda onun bioloji atası Viktor Sobolev başçılıq edir. Burada İlya əkiz qardaşı Boqdanın varlığından xəbər tutur və uşaqlıqda məhz xəstəliyinə görə tərk edildiyini anlayır. Qardaşlar arasında vəzifə üstündə başlayan qarşıdurma, Boqdanın nişanlısı Dinanın İlyaya aşiq olması və İlyanın da ona qarşı biganə qalmaması ilə daha da mürəkkəbləşir.

Ukrayna istehsalı olan «Qan qisası» melodram serialı 2019-cu ildə təqdim edilib. Ekran işinin quruluşçu rejissoru Miroslav Maliçdir. Baş rolları İrina Antonenko, Aleksandr Konstantinov, Vitali Saliy və Vsevolod Boldin canlandırıb.