Həyat kimi yuxu

Səkkiz ildir ki, Jenya hər gecə eyni yuxunu görür: doğuş zamanı tələf olmuş körpəsi ona səslənir və onu xilas etməyi xahiş edir. Hər yuxudan sonra burnundan qan açılan qadın övladının sağ olduğuna getdikcə daha çox inanır. Həyat yoldaşı və anası isə onun səhhətindən narahat olaraq bu kədəri müxtəlif dərman preparatları ilə yatırmağa çalışırlar.

Bir gün Jenya atasının vaxtilə itmiş vəsiyyətnaməsini tapır və bütün mülkün nəvəyə miras qaldığını öyrənir. Bu sənədin təsadüf olmadığını anlayan qadın həqiqəti üzə çıxarmaq və uşağını tapmaq üçün evdən qaçmağa qərar verir.

«Həyat kimi yuxu» («Сон как жизнь») melodram serialı 2014-cü ildə Rusiyada rejissor Yekaterina Dviqubskaya tərəfindən çəkilib. Ekran işində əsas rolları Marina Denisova, Andrey Frolov, Tatyana Lyutayeva və Svyatoslav Astramoviç canlandırıblar.