Lavanda ətri

Musiqi müəllimi olan Qalina Andreyevna yeganə oğlu Maksimi təkbaşına böyüdüb və onun üçün hər zaman ən yaxşısını arzulayıb. Lakin oğlu evə uşaq evində böyümüş və rəngsaz işləyən Varya adlı qızı gətirdikdə, ana bu münasibətə sərt etiraz edərək onu evdən qovur. Maksim sevgilisinin arxasınca gedir və küçədə baş verən qəzada sərxoş sürücünün maşını altında qalaraq həyatını itirir. Xilas edilən Varya isə əlil arabasına məhkum olur.

«Lavanda ətri» («Запах лаванды») adlı serialda hər iki qadın baş verən faciədə bir-birini günahkar hesab edir və görüşmək onlar üçün dözülməz ağrıya çevrilir. Maksimin itkisi ilə tək qalan Qalina və Varya böyük kədər içində yaşamağa məcburdurlar. Zaman keçdikcə ortaq acı və sevdikləri insanın xatirəsi onları həyata davam etmək üçün yaxınlaşdırır.

Layihənin quruluşçu rejissoru Yekaterina Dvigubskayadır. 2016-cı il Rusiya və Belarus birgə istehsalı olan serialda əsas rolları Tatyana Kolqanova, Darya Brankeviç, Tamara Mironova və Aleksey Fateyev canlandırıblar.