Körpüləri yandırarkən

Vera qızı Liza ilə birlikdə yaşayır və kiçik bir mağaza işlədir. Günlərin birində tanımadığı bir şəxsin gətirdiyi xəbərdən sonra o, evində yanğın görüntüsü yaradaraq qızı ilə birlikdə təcili Moskvaya köçür. Orada Liza iş adamı Kravçenkonun malikanəsində köməkçi işinə düzəlir.

Eyni vaxtda Veranın həbsdən çıxan keçmiş əri Kravçenkodan pul tələb edir və əks halda onun oğlu Denisə ögey olduğunu deyəcəyi ilə hədələyir. Bu danışığı eşidən Denis evdəki qulluqçularla pis davranmağa başlayır və nəticədə iş adamı yeni işçi axtarmalı olur. Elana cavab verən Vera da həmin evə xidmətçi kimi gəlir və hamıdan gizlətdiyi məqsədi naminə gəncin bütün şıltaqlıqlarına dözür.

2017-ci ildə çəkilmiş Rusiya istehsalı olan «Körpüləri yandırarkən» melodram serialının quruluşçu rejissoru Pavel Snisarenkodur. Baş rolları Veronika Plyaşkeviç, Yuri Baturin, Aleksandr Peskov və Olqa Burlakova canlandırıblar.