Qalina

Kənd həkimi işləyən Qalina taleyin ağır sınaqlarına təmkinlə dözməyi bacaran bir qadındır. İllər öncə toy günü nişanlısı Anatoliy tərəfindən tərk edilmiş, kənd camaatının istehzasına tuş gəlmişdi. O zamanlar qürurunu qoruyan qadın təslim olmadı və atasının xəbəri belə olmadığı oğlunu təkbaşına böyütdü.

İyirmi il keçdikdən sonra qapı ağzında peyda olan bir səfil Qalinanın həyatını yenidən sarsıdır. Həmin baxımsız və sərxoş adamın vaxtilə qaçıb gedən Anatoliy olduğu üzə çıxır. Keçmiş nişanlı peşmanlıq içində bağışlanma diləyir, hələ də sevdiyini söyləyir və üstəlik əslində milyonçu olduğunu iddia edir.

2018-ci il istehsalı olan Rusiyanın «Qalina» melodram serialının quruluşçu rejissoru Eduard Palmovdur. Baş rolları Alyona Xmelnitskaya, Pyotr Barançeyev, İqor Denisov və Andrey Senkin canlandırıblar.