Milyonluq yolka

Anna şəxsi zərgərlik şirkətini idarə edir, istedadlı qızı Katyanı böyüdür və sevgilisi ilə evlənməyə hazırlaşır. Zahirən hər şey yolunda görünsə də, reallıqda vəziyyət xeyli mürəkkəbdir. Keçmiş ərinin şirkətin adına qoyduğu böyük borclar qadını çıxılmaz duruma salıb, sevgilisinin evlilik təklifi isə onda tərəddüdlər yaradır.

Biznesini iflasdan qurtarmaq istəyən Anna bahalı və riskli bir addım atır. O, qiymətli daşlarla bəzədilmiş qızıl yeni il yolkası hazırlayır və bu sənət əsərini auksionda satmağı planlaşdırır. Lakin həlledici hərraca bircə gün qalmış qəhrəmanın planları gözlənilməz çətinliklər səbəbindən təhlükə altına düşür.

Ukrayna istehsalı olan «Ёлка на миллион» melodram serialı 2019-cu ildə çəkilib. Layihənin rejissoru Aleksey Daruqadır, əsas rolları isə Yelena Velikanova, Anton Batıryov, Konstantin Oktyabrski və Mixail Jonin canlandırıb.