Gözlənilməz hallar

Dərman satışı ilə məşğul olan şirkətdə tərcüməçi işləyən Oksana rəhbəri Leonid ilə sevgi münasibəti yaşayır. Gənc qadın sevgilisinin ailəsindən ayrılacağını və onunla evlənəcəyini düşünür. Lakin Leonidin heç bir boşanma niyyəti yoxdur, çünki onun karyerası yüksək vəzifəli dövlət məmuru olan qayınatasından asılıdır.

Günün birində qanuni həyat yoldaşı Janna onları bir yerdə yaxalayır. Nüfuzlu atası qızına boşanmağa icazə vermədiyi üçün o, acığını Oksanadan çıxaraq onu işdən qovdurur. İşini və sevdiyi insanı itirən baş qəhrəman hər şeyi unudub yenidən başlamaq istəsə də, qarşısına gözlənilməz maneələr çıxır.

2018-ci ildə çəkilmiş Rusiya istehsalı olan «Gözlənilməz hallar» («Непредвиденные обстоятельства») melodram serialının rejissoru Dmitri Sorokindir. Ekran işində əsas rolları Olqa Dyatlovskaya, Mixail Ximiçev, Maksim Raduqin və Yeseniya Medvedeva canlandırıblar.