Qəlbin yaddaşı

On yeddi yaşlı Saşa dəhşətli itki ilə üzləşir: ailəsinin yaşadığı evdə baş verən yanğın valideynlərinin və ikiyaşlı bacısı Daşanın həyatına son qoyur. Qız yalnız həmin vaxt evdə olmadığı üçün sağ qalır. Çox keçmədən məlum olur ki, Saşanın atası gəlirli biznesini dəyər-dəyməzinə satmağı tələb edən cinayətkarlardan hədələr alırmış. Qız bu amansız cinayətin arxasında həqiqətən də sadəcə biznes maraqlarının dayandığını anlamağa çalışır.

Yaxınlarını, evini və dolanışıq vasitələrini itirən Saşa doğma Nijnedonsk şəhərini tərk etmək qərarına gəlir. Həyatının əsas məqsədi ailəsinin başına gələnləri və körpə bacısının cəsədinin niyə tapılmadığını üzə çıxarmaq olur.

2014-cü ildə yayımlanan Rusiya istehsalı «Qəlbin yaddaşı» («Память сердца») melodram serialının rejissoru Artyom Nasıbulindir. Baş rolları Yelena Radeviç, İvan Jvakin, Vladimir Jerebtsov və Aleksey Barabaş canlandırıblar.