Tamamilə başqa həyat

İyirmi illik evlilik ildönümündən sonra Rita Çaşina ailəsinin möhkəm və xoşbəxt olduğuna inanırdı. Lakin qısa müddət sonra ərinin uzun müddətdir ona xəyanət etdiyi üzə çıxır. Ortaq oğullarının qəzaya düşməsi ailədəki böhranı daha da dərinləşdirir.

Övladının başına gələn bu bədbəxt hadisə belə ərinin davranışına təsir etmir və o, xəstəxanaya məşuqəsi ilə birgə gəlir. Bu cür laqeydlikdən və xəyanətdən sarsılan Rita artıq dözmür, özünə hörmətini qoruyaraq evi həmişəlik tərk etmək qərarına gəlir.

Ukrayna istehsalı olan «Tamamilə başqa həyat» («Совсем другая жизнь») melodram serialı 2010-cu ildə işıq üzü görüb. Layihənin rejissoru Sergey Aleşeçkindir, baş rolları isə Nana Kiknadze, Konstantin Milovanov, Aleksandr Yasinski və Sergey Şelkalin canlandırıb.