Bogosipda

On dörd il əvvəl yaşanan acı ayrılıq iki gəncin yollarını birdəfəlik ayırsa da, xatirələri silə bilmir. Vicdan əzabı çəkən gənc sevdiyi qızın səsini və xasiyyətini unutmur, daxili ağrısını gizlətmək üçün isə qayğısız bir insan kimi davranır. Zamanla xəfiyyə peşəsinə yiyələnən bu adam cinayətkarların arxasınca düşsə də, əsl məqsədi hər addımda həmin qadını axtarmaq və nəhayət onunla yenidən qarşılaşmaqdır.

Qadın isə artıq zövqlü geyimlər yaradan, özünə inanan bacarıqlı bir modelyerə çevrilib. Zahirən güclü görünsə də, qəlbinin dərinliklərində hələ də həssasdır; yağışı sevməsə də, heç vaxt özü ilə çətir götürmür. Ötən illər boyu unumağa çalışdığı keçmiş onu yuxularında təqib edir və hər dəfə onun axtarışında olan adamı görüb göz yaşları içində oyanır.

Cənubi Koreya istehsalı olan «Bogosipda» serialı 2012-ci ildə işıq üzü görüb. Melodram janrındakı ekran əsərinin quruluşçu rejissorları Li Ce-don və Pak Ce-bomdur. Layihənin baş rollarını Pak Yu-çon, Yun In-hye, Yu Sın-ho və Can Mi-ne canlandırıblar.