Səhv etmək hüququ yoxdur

Əyalət şəhərində böyüyən iki məktəbli dost Anton və Oleq xarici görünüşcə bir-birlərinə bənzəsələr də, tamamilə fərqli şəraitdə yaşayırlar. İxtiyarında böyük imkanlar olan Anton varlı atasının nüfuzuna arxalanaraq hər şeyi pulla əldə etməyə öyrəşib. Kasıb ailədə böyüyən Oleq isə qızıl medalçı olmaq üçün yalnız öz zəkasına güvənir və elmi fəaliyyətlə məşğul olmağı hədəfləyir. Gənclərin arasındakı əsas rəqabət isə sinif yoldaşları Katyanın diqqətini qazanmaq üstündə başlayır.

Qız onların heç birinə xüsusi rəğbət bəsləmir. O, Anton üçün sadəcə növbəti bir qələbə olmaq istəmir, utancaq Oleqə isə sırf dost kimi münasibət göstərir. Məktəbi bitirdikdən sonra ali məktəbə qəbul olmaq məqsədilə üçlüyün Moskvaya köçməsi ilə vəziyyət dəyişir. Böyük şəhərdə yetkin həyata qədəm qoyan qəhrəmanların atacağı hər bir yanlış addım ciddi nəticələrə yol aça bilər.

Rusiyada lentə alınan «Səhv etmək hüququ yoxdur» serialı 2016-cı ildə təqdim edilib. Melodram janrındakı layihənin quruluşçu rejissoru Aleksandr Vısokovskidir. Əsas rolları İlya Yermolov, Natalya Kapitonova, Aleksandra Yermakova və Vlad Kanopka canlandırıblar.