Yeganə sevinc

Dərzi Valentina həyat yoldaşı və yetkin qızı Saşa ilə dinc bir ömür sürürdü. Bir qaraçının dilindən eşitdiyi qorxunc kəlam əvvəlcə ona cəfəngiyat kimi görünsə də, qısa müddətdə gerçəyə çevrilir. Yaxınlarını itirərək tək qalan qadın bütün varlığını balaca nəvəsi Aneçkaya həsr etmək qərarına gəlir.

Lakin uşağın atası Antonun qəfil peyda olması hər şeyi dəyişir. Məlum olur ki, babası Aneçkaya böyük bir sərvət miras qoyub və atası qızı məhz bu pula sahib çıxmaq üçün aparmaq istəyir. Sadə bir qadın imkanlı və nüfuzlu rəqibinə qarşı nəvəsini qorumaq üçün çətin bir mübarizəyə atılır.

«Yeganə sevinc» («Единственная радость») melodram serialı 2019-cu ildə Rusiyada çəkilib. Layihənin rejissoru Pyotr Stepindir, əsas rolları isə Kseniya Kuznetsova, Aleksandr Makoqon, İqor Siqov və Aleksandra Kaştanova canlandırıblar.