Kraliça üçün tələ

Qadınlar arasında şahmat üzrə dünya çempionu olan Mariya Lebedeva idmanda ən yüksək zirvəyə çatıb. Qızın anası və ögey atası böyük qazanclar əldə etmək naminə onu daim yeni qələbələrə doğru itələyiblər. Lakin şahmatçının özü üçün yarışlar yeganə məqsəd deyil: o, ailə qurmaq, sevmək və doğma atasını tapmaq arzusundadır.

Növbəti yarışdakı qələbəsindən sonra Mariya mətbuat qarşısında çıxış edərək atasını axtardığını bütün ölkəyə bəyan edir. Çox keçmədən atası Platon Şerbinski uzun illərdən sonra qızı ilə özü əlaqə qurur. O, Mariyaya mühüm bir xəbər çatdırmaq istəyir, lakin buna macal tapmır və kişini ölü vəziyyətdə tapırlar.

«Ловушка для королевы» adlı Rusiya istehsalı melodram serialı 2019-cu ildə təqdim olunub. Layihənin quruluşçu rejissoru Dmitri Sorokindir. Ekran işində əsas rolları Aqlaia Şilovskaya, Kseniya Lavrova-Qlinka, Aleksandr Dyaçenko və Yuri Nazarov canlandırıblar.