Kseniyanın xoşbəxt həyatı

Əlaçı tələbə Kseniya iki gənc arasında seçim etmək məcburiyyətində qalır. Bir tərəfdə onun kimi sadə və utancaq fotoqraf Mişa, digər tərəfdə isə varlı və diqqətçəkən Dima dayanır. Kseniya Dimanın lehinə qərar verərək onunla ailə qurur, lakin çox keçmədən bu evlilik əsl kabusa çevrilir.

Kseniya uşağını da götürüb ərindən qaçır və hər şeyi sıfırdan başlamaq qərarına gəlir. O, çətinlikləri geridə qoyaraq öz işini qurur və qarşısına varlı, qüsursuz görünən yeni bir insan çıxır. Lakin qəfildən onun keçmişindən Mişa yenidən peyda olur.

Rusiyanın «Счастливая жизнь Ксении» adlı melodram serialı 2017-ci ildə ekranlara çıxıb. Rejissor Aleksey Boqdanovun çəkdiyi layihədə baş rolları Anastasiya Derqaus, Pavel Qonçarov, Stanislav Viver və Yevgeni Zarubin ifa ediblər.