Altı sotluq xoşbəxtlik

Varlı iş adamı olan əri Pavelin gənc qızla xəyanətinin şahidi olan Natalya böyük bir sarsıntı keçirir. Şəhərdəki rahat həyatını geridə qoyan qadın hər şeyi ataraq valideynlərindən qalmış Yaqodnoye qəsəbəsindəki köhnə evə üz tutur.

Kənd mühitində o, gözlənilmədən Dmitri ilə qarşılaşır və bu təsadüf keçmiş romantik hissləri yenidən oyadır. Qısqanclıq, qisas arzusu, ehtiras və bağışlama hissləri arasında qalan qəhrəmanlar həyatlarını yenidən qurmaq üçün çətin seçimlərlə üzləşirlər.

Rusiyada istehsal olunmuş «Şest sotok sçastya» melodram serialı 2013-cü ildə ekranlara çıxıb. Rejissoru Yuri Leyzerov olan layihənin baş rollarında Yekaterina Semyonova, Dmitri Yaçevski, Yekaterina Solomatina və Vitali Kudryavtsev çəkiliblər.