Bağda, bostanda

Qırx beş yaşlı Valentina kənddə yaşayır və həmkəndliləri arasında böyük hörmət qazanıb. Qadının şəxsi həyatı isə tənhalıqla keçir: əri illər əvvəl onu tərk edib, gənc qızı isə şəhərdə təhsil aldığı üçün evə çox nadir hallarda baş çəkir. Yerli sakinlərin etirazı nəticəsində kənd sovetinin rüşvətxor rəhbəri vəzifəsindən kənarlaşdırılır və bu məsuliyyətli iş gözlənilmədən Valentinaya tapşırılır.

Vəzifəni müvəqqəti icra etməsinə baxmayaraq, Valentina kəndin abadlaşdırılması üçün canla-başla çalışmağa başlayır. O, tibb məntəqəsini bərpa edir və oraya Nikolay adlı yeni feldşer gətirir. Lakin keçmiş rəhbər, rayondakı əlaqəli məmur və yerli mühasib onun ayağının altını qazmağa hazırlaşır. Köhnə kəsirləri yeni rəhbərin üzərinə yıxmaq istəyən bu qrup Valentinaya həbsxana təhlükəsi yaradır.

«Bağda, bostanda» adlı Rusiya istehsalı melodram serialı 2012-ci ildə çəkilib. Layihənin rejissoru Maksim Demçenkodur. Əsas obrazları Natalya Roqojkina, Vladimir Litvinov, Sergey Pukita və İvan Krasko canlandırıblar.