Sevilməyən

Paytaxt tibb universitetinin tələbəsi Anya təhsilini yarımçıq qoyaraq doğma şəhərinə qayıtmaq məcburiyyətində qalır. O, içki düşkünü olan atasının və balaca qardaşı Vanyanın qayğısına qalmalıdır. Şəhərə gəldikdən sonra mərhum anasının yerli klinikanın baş həkimi Sergey ilə keçmiş münasibəti barədə şayiələr eşidən qız qardaşı üçün DNT testi etdirmək qərarına gəlir.

Ekspertiza Sergeyin uşağın atası olduğunu təsdiqləsə də, bu həqiqət Anyadan gizlədilir. Əvəzində Sergey və oğlu Mişa uşağı övladlığa götürmək üçün plan qururlar. Onlar heç nədən xəbəri olmayan Anyadan öz niyyətlərini həyata keçirmək üçün istifadə etməyə çalışırlar.

«Sevilməyən» serialı 2012-ci ildə Rusiyada ekranlara çıxıb. Melodram janrında olan filmin rejissoru Artyom Nasıbulindir. Əsas obrazları Dmitri Pçela, Nadejda Mixalkova, Oleq Maslennikov-Voytov və Natalya Qvozdikova canlandırıblar.