Sərvət

Can və Fərahın taleyi oxşardır: hər ikisi erkən yaşda valideynlərini itirib yetim qalıb. Lakin Fərah zəngin qohumlarının varlığından xəbərsiz şəkildə uşaq evində böyüdüyü halda, Can nəhəng bir holdinqə sahib olan həmin ailənin dəbdəbəli evində tərbiyə alıb.

Günlərin bir günü Fərahın babası Qüdrət sərvətini nəvəsi ilə bölüşmək istəyir və Canı qızı tapmaq üçün vəzifələndirir. Qüdrəti doğma atası kimi sevən Can bu xahişi dərhal qəbul edir. Lakin var-dövlətə ortaq çıxacaq yad bir qızın gəlişi ailənin digər üzvlərini qətiyyən sevindirmir, bu gərginlik fonunda isə gənclər arasında sevgi yaranır.

2018-ci ildə Türkiyədə çəkilmiş melodram janrındakı «Servet» serialının rejissoru Emir Khalilzadehdir. Baş rolları Yusuf Çim, Bahar Şahin, Ali Sürmeli və Arsen Gürzap canlandırıb.