Xoşbəxtlik mənbəyi

İşinə böyük məsuliyyətlə yanaşan aşpaz qız hazırladığı hər təamın dadlı və faydalı olmasına xüsusi diqqət yetirir. Lakin çalışdığı yerlərdəki həmkarları onun dürüstlüyünü qəbul etmirlər. Qidaları mənimsəyən və keyfiyyətsiz ərzaqlardan istifadə edən kollektivlə yola getməyən baş qəhrəman tezliklə şəhərin bütün ictimai iaşə müəssisələrində qara siyahıya düşür.

Vəziyyətdən çıxış yolu axtaran qadın Moskvaya üz tutur və burada özü kimi sənətini dərindən sevən bir oğlanla qarşılaşır. Onlar bir-birlərini asanlıqla anlasalar da, qız bu etibarlı insanı sadəcə dost kimi görür. Baş qəhrəmanın hissləri isə onun qədrini bilməyən, etibarsız və yoldanötən bir adama yönəlir.

«Xoşbəxtlik mənbəyi» («Источник счастья») adlı melodram serialı 2012-ci ildə Rusiya və Belarus kinematoqrafçıları tərəfindən lentə alınıb. Layihənin rejissoru Katya Şaqalovadır. Baş rolları Alesya Puxovaya, Aleksandr Pavlov, İqor Botvin və Tatyana Lyutayeva canlandırıblar.